في ناس كتير منكم شافوا النتيجه وطلعت عكس توقعاتكم وفي كتير متاكدين من جوة انه دي ما نتيجتهم و ممكن في ناس منكم مشو يسالوا من درجاتهم و ابو يوروها ليهم ؟ و بعضكم متاكد منها و حاسي نفسو مظلوم وجرا ورا الموضوع وماف زول انصفوا ، طيب احنا كلمناكم هنا عشان نصلح الوضع دا و نصل لي نهاية ترضينا كلنا .
السنة الفاتت في دفعة طلعت نتائجها في الموقع لي اول مرة و حصلت لخبطة كبيرة جدا في النتائج و ما انصفوهم لما كلهم وقفو وقفة راجل واحد و لوّ للجامعة يدها و نجحوهم! العايز حقو ي جماعة يكمل معانا هنا و الناس الناجحين الف مبروك بس اوقفوا مع اخوانكم. و ان شاء الله امورنا كلنا ح تتسهل ..............يتبع
الناس النتائجهم كانت ما متوقعه حتي هم نفسهم اتصدموا فيها ومع انهم اجتهدوا مالقوا حقهم ليه تسكتوا ليه كل سنه بحصل كده والناس بتسكت وبتعدي عارفين ليه عشان كل واحد بفكر في نفسه وبفكر انه بس يخارج نفسه وللان ما حاولنا ناخد حقنا ، كل واحد ربت او شال البورد ومواد كتير في قناعه نفسه شك ولو بسيط انه في شي غلط بس طول ماهو وحيد ما هيقدر يعمل شي وهيمشي يطالب بحقه هيتقفل في وشه الباب لانه واحد ، بس هل هيتقفل الباب في وش 100 واحد مشوا وبقوا يد وحده ؟ اكيد لا ،، ياجماعه بحصل غلط في النتيجه والناس بتسكت وبترضي عادي ،حصل مرة سالتو نفسكم مانعين يشوفوا الدرجات ليه ولا ليه لما تعمل اعاده تصحيح حتي م بجيبوك زي باقي الجامعات تقعد ويقعد معاك الدكتور والمصحح حق الورقه وتشوف قدام عيونك درجتك عشان علي الاقل ترضي نفسك ،لا تنتظر بس اعاده التصحيح الما معروفه حتي اذا اتعملت او لا او حصل فيها شنو ،، لا ولاا غرب شي في ورق حق امتحانات بتحرق 3 يوم للنتيجه ليه يعني.؟ نعم الورق اتحرق كله من قبل مايتم اسبوع حتي ، نحنا كل واحد لو راجع نفسه هيلاقي انه لاقي ظلم وال ما اتظلم لسه هيلاقي ونحنا لاول مرة نقيف يد وحدة وما هنعمل شي غلط بس هنطالب بحقنا ما بطريقة تضر زول فينا عشان نحنا اسي طلاب وبكرة لو ربنا سهل بآذن الله دكاترة وحتي لما نبقي دكاترة ونلاقي غلط في مستشفي لازم توقف وتطالب بحقك ، وعشان نضمن انه نبقي دكاترة لازم اليوم نطالب بحقنا عشان نكمل وننجح وعشان اهلنا وعشان قروشهم البتعبوا وبدفعوها لينا وعشان العمر والسنين البتضيع لما نضيع حقنا ونسكت ،، وعلي فكرة كانت في دفعه في الجامعة كانت نتايجهم سيئه وعدد كبير منهم ربدوا وحتي كانوا مستغربين النتيجه وقرروا يوقفوا مع بعض ووصلت بيهم لدرجه طلبوا كلهم استقالتهم من الجامعه مرة وحده كلهم وزي ماعارفين الاستقاله بتمشي الوزاره عشان الرقم الجامعي يتسحب وطبعا عدد بالكمية دي يسحب استقالته ده بعمل مشاكل كبيرة للجامعه وبعرضهم للمسآلة من الوزاره والجامعه طبعا رجعت وراجعت درجات الطلاب ونجحوا عدد كبير منهم او تقريبا كلهم وممكن ترجعوا تتاكدوا من كلام ده ،، وصدقوني النتيجه كان فيها غلط ولخبطة كبيرة انتوا ما عارفين عنها ،، ربنا معانا وهنكون يد واحدة ونخليهم يعرفوا انه الطلبه يد واحدة وفاهمين وواعين ومدركين لكل شي ما باي نتيجه بنسكت ونرضي وبكده بنضمن حتي السنين الجايه عمرنا ما هنتظلم فيها ،مافي زول يفكر يخاف لانه لو وقفتنا نفعتنا عمرها ما هتضرنا وكل مازاد عددنا كل ماقدرنا نحقق العايزنه اكتر ، وربنا معانا وهناخد قرارنا والعايز يكون معانا هنعمل قروب يقدر كل الناس يقولوا رايهم فيه بطريقة سلمية بدون ماف حاجة تاثر ع زول فينا ونتفق وبتمني كل الناس حتي النجحوا يقيفوا معانا
السلام عليكم ده الرابط حق القروب بتمني كل البهمو الامر وحاسي بظلم او حتي عنده امل بس وثقه انه التغيير هيكون علي يدنا وانه قادر يكون معانا يدخل ويقول رايه ومشكلته عشان نلاقي الحلول ونبدا نتحرك من بدري احسن وبتمني الناس كلها ترجع تفكر وتوقف معانا عشان نكون يد واحدة وعمرنا ماهنخسر حاجة
ليست هناك تعليقات:
إرسال تعليق